Agora 6ºB alecrinando

Febreiro 9th, 2010

Non van ser menos os alumnos e alumnas de 6ºB que tamén tocaron a súa versión de Alecrín.
Os pelos que teñen son debidos ás ordes do Meco, que nos mandaba vir con algo na cabeza.
A pesares dos peinados, o que se escoita está razoablemente ben.

Nova partitura

Febreiro 3rd, 2010

Como xa poidemos escoitar, Schiarazula Marazula é a próxima cantiga que traballaremos na aula de Música.

O recopilador da peza (non autor, xa que é unha peza anónima) foi Maineiro, e sería moi interesante que tentásedes procurar algo de información sobre el.

Mentras tanto ide botando un ollo á peza.
Schiarazula

Alecrín co@s alumn@s de 6ºA

Febreiro 3rd, 2010

Eu creo que como se prometía, facémolo algo mellor que o coro co que iniciabamos este blog, algo menos graciosos, máis serios, pero bastante mellor afinados e conxuntados.
Pero é mellor que vexades vós mesmos o resultado destas 3 últimas sesións de traballo na aula de música.

Schiarazula Marazula

Xaneiro 20th, 2010

Con este nome tan raro coñécese esta danza renacentista de finais do século XV atribuída a Giorgio Maineiro, aínda que semella que el simplemente a recopilou, tratándose dunha melodía anterior.

Seica se utilizaba esta canción nun ritual ou rogativa para invocar á choiva deica que a Inquisición prohibiu esta práctica. O nome seica provén das verbas Scjarzz e marazz, cana e fiuncho, que seica eran elementos que formaban parte do ritual.

A cantiga tiña letra, e procurando por internet atopei a seguinte versión:

Schiarazula marazuIa
la lusigne, la cracule,
la piciule si niciule
di polvar a si tacule
O schiarazule maraciule
cu la rucule e la cocule
la fantate jè une trapule
il fantat un trapolon.

Para que saibades como soa a cantiga que prepararemos en canto acabemos con Alecrín, podedes premer abaixo no reproductor.

Alecrin en midi

Xaneiro 15th, 2010

Por se alguén quere escoitar como nos debería sonar a cantiga premede no enlace de abaixo.

Comezando a andaina

Xaneiro 13th, 2010

Olá a tod@s!

Imos comezar co blogue da clase de música. Nun principio, xa que non sei se hei dar feito, imos centrarnos para traballar cos alumnos de 6º de primaria, e xa, para outros anos, se a experiencia é boa e a cousa vai funcionando, veremos de amplialo a outros cursos.

Quería que o blogue aportase materiais (as partituras das pezas que imos tocar), exemplos musicais dos mesmos, e outras cousiñas como bailes, ou audicións… Non sei, o blogue construirémolo entre tod@s, coas vosas aportacións, as vosas suxestións, cos vosos comentarios e cos vosos resultados.

Para comezar vou colgar a partitura na que comezamos a traballar esta semana, o famoso ALECRIN, que espero que nos saia moi ben… tanto que teñamos que gravalo e subilo á rede para que a xente poida disfrutalo, para que lle poidades ensinar aos vosos pais como traballamos na aula de música.

Ide botando unha ollada ao que fan os distintos instrumentos.

Vémonos na clase!

alecrin

A todo isto, seguro que o imos facer millor que estes: